fbpx

José Solana Dueso

Publicado en Autores

S’EMBOIRA EL ZIEL. BALBASTRO 1064. La primera cruzada

S’EMBOIRA EL ZIEL. BALBASTRO 1064. La primera cruzada

Sinópsis:S’emboira el ziel ye una novela que se fa eco d’un evento istorico prou importán: la espedizión d’un eixerzito franco, comandau per Guillem d’Aquitania y el normando Robert Crispin, que va esnavesar diferens puertos d’el Pirineu ta achuntar-se en Graus con las tropas aragonesas d’el rei Sancho Remírez y las catalanas d’Armengol III d’Urchel, amás d’atras collas d’el sureste franzés y d’Italia. L’obchetivo melitar yera prener la gran ziudat musulmana de Balbastro. Correba l’año 1064.

Leer más ...

Juan Carlos Marco Pueo

Publicado en Autores

Díxame pescá con tú

Díxame pescá con tú

Sinópsis:Hans Fischer, choven estudiante de Filología Románica per la Universidá Ludwig Maximilian de Múnich, consigue una beca pa vení a España, más concretamente a la Baixa Ribagorza. Allí mirará de rematá la suya tesis doctoral estudián la llengua de la zona. Pa ixo llegará a sé uno más en aquella sociedá atrasada y rural. Cuasi 50 años dispués, al sur de Gran Canaria, no le quedará atra que enfrentase de cara a to'l sofrimiento que aquello va traé. Díxame pescá con tú mos hablla del miedo, del rencor y, más que nenguna atra cosa, de lo fuerte que el amor puede llegá a sé.

Leer más ...

Mauricio Delgado

Publicado en Autores

Arredol

Arredol 2017

Sinópsis:

Istas cosas siempre prenzipian igual... A que no yes capaz d’elaborar un metodo d’autoaprendizache d’a luenga aragonesa?, sin parar cuenta que, a sobén, parellana pro­posa-trampa se torna en tot un reto y cuasi una custión d’onor ta un aragonés... Que no? Pos agora te vas a enterar tu...

Siga como siga, aquí lo tiens entre as tuyas mans, pre­bando d’averiguar qué ye ixo de “Arredol” y si li fa chus­tizia a o subtítol que diz “una gambadeta por a luenga aragonesa”.

Nusatros te lo contamos. “Arredol” quiere estar un me­todo ta aprender a fablar y amar a nuestra luenga, ixu­plidada en bel caso, y en atros, prou a ormino, refusada u maltratada, cuan no as dos cosas de vez. Una aina que t’abrá de valer ta fer un curso de traza tradizional, ye dezir, indo ta clase y fichando como un campión, si ye que asinas lo prefieres; pero, y más que más, ye un me­todo que te permitirá iniziar-te y fer-te una ideya prou aprosimada d’o que ye l’aragonés, por a tuya cuenta (y risque) y a o tuyo ritmo, a la tuya bola, que dizen os nuestros vezins castellans, porque contas con un amplo vocabulario y modelos de verbos. Pero talmén y talmén o que te podrá resultar más atrautivo, ye que te i tro­barás con un apéndiz con toz os eixerzizios resueltos... Un traste útil si ye que plegas a perder-te u a embolicar-te. A la finitiva, un metodo fresco y, talmén, no pas a l’uso. Estructurau de traza platera y an que podrás tro­bar leuturas dialogadas, eixerzizios arrienda y chuegos, muitos chuegos. Un tarabidau ludico-lingüistico que te menará por os camins de l’aragonés sin garra (u poquet) esfuerzo, d’una manera fázil y siempre prebando de no aburrir-te, que ya se sabe, que os idiomas los carga o diaple y que os follez d’as parolas son bien trafucadors. Si lo emos conseguiu, perfeuto. Pero ixo lo abrá de dezir o tiempo y, más que más, vusatros, que lo abrez de patir si ye que tos da la lunada d’empezipiar-lo, rematar-lo y no tos tornaz varrenaus.

Ta rematar, a tu, aragonés, que has enzertau en agafar ista ferramienta, nomás nos manca que preguntar-te... A que no yes capaz d’aprender aragonés...? 

Leer más ...